हामी शिक्षालाई समाजको सेवा र यहाँका मूल्यहरूसित जोड्न चाहन्छौँ । शैक्षिक क्षेत्र अन्य क्षेत्रभन्दा विशिष्ट क्षेत्र भएका हुनाले समाज, सामाजिक व्यक्तित्व र आफ्नो समाजप्रतिको दायित्वलाई पनि हामीले सँगसँगै लैजानु उपयुक्त हुने सोचका आधारमा हामीले यो सम्मेलनको परिकल्पना गरेका हौँ । कक्षामा पढाइने सैद्धान्तिक ज्ञानलाई समाजसित पनि जोड्न र प्रतिभाको प्रस्फूरण पनि ध्यान दिनका लागि सम्मेलनको विशेष महत्त्व छ भन्ने हामीले ठानेका छौँ

म हरेक दिन अरूको आलोचना गर्छु कि जिम्मेवारी पनि निर्वाह गर्छु ?  म भागदौडमा हराएर आत्म–निरीक्षण गर्न बिर्सेको छु कि सम्झिएको छु ?  म परिवर्तनको हिस्सा बन्न चाहन्छु कि केवल दर्शक बनेको छु ? आउनुहोस् घोषणा गरौं : “म नकारात्मक सोचबाट टाढा, सकारात्मक कर्ममा समर्पित छु। म परिवर्तनको बीउ हुँ। म सकारात्मक छु।”

ऋग्वेद केवल ‘वेद’ होइन, यो त शाश्वत विज्ञानको बीज हो — जहाँ दर्शन, भौतिकशास्त्र, तत्त्वज्ञान, चेतनाको मनोविज्ञान, अनि सामाजिक समरसताको सूत्र एउटै सूत्रमा गाँसिएका छन्। यसलाई पुनःपढ्ने, पुनःअन्वेषण गर्ने, र आधुनिक भाषामा पुनःप्रकाशित गर्ने जिम्मेवारी हाम्रो हो। किनभने ऋग्वेदको उद्देश्य पूजा नभई बोध हो र बोध मात्रले समाज, संस्कृति र विज्ञानको समसामयिक निर्माण सम्भव छ।