शरीर अनित्य छ, धन पनि सधैँ रहँदैन, मृत्यु जहिले पनि नजिकै हुन्छ । त्यसैले, धर्मको सङ्ग्रह गर्नुपर्दछ ।
‘अनित्यानि शरीराणि विभवो नैव शाश्वत: ।
नित्यं सन्निहितो मृत्युः कर्तव्यो धर्मसङ्ग्रह ।।’
(शरीर अनित्य छ, धन पनि सधैँ रहँदैन, मृत्यु जहिले पनि नजिकै हुन्छ । त्यसैले, धर्मको सङ्ग्रह गर्नुपर्दछ ।) चाणक्यनीति
‘मित्रं स्वच्छतया रिपुं नयबलैर्लुब्धं धनैरीश्वरं
कार्येण द्विजमादरेण युवतिं प्रेम्णा समैर्बान्धवान् ।
अत्युग्रं स्तुतिभिर्गुरुं प्रणतिभिर्मूर्खं कथाभिर्बुधं
विद्याभी रसिकं रसेन सकलं शीलेन कुर्याद्वशम् ।।’
(मित्रलाई स्वच्छता एवम् निष्कपट हृदयले जितियोस्, शत्रुलाई नीतिबलले, लोभीलाई धनले, मालिकलाई सेवाले, ब्राह्मणलाई आदरले, युवतीलाई प्रेमले, दाजुभाइलाई समभावले, अत्यन्त क्रोधीलाई स्तुतिले, गुरुलाई विनयले, मूर्खलाई कुराले, बुद्धिमान्लाई बुद्धिले, रसिकलाई रसिकताले जितियोस् भने सबैलाई सुशीलताले जितियोस् ।)—नवरत्नसङ्ग्रह
‘उदारस्य तृणं वित्तं शूरस्य मरणं तृणम् ।
विरक्तस्य तृणं भार्या निःस्पृहस्य तृणं जगत् ।।’
(उदार मन भएका मानिसलाई धन, शूर र वीर पुरुषका लागि मृत्यु, वैरागी मानिसका लागि स्त्री र निःस्पृह मानिसका लागि यो संसार झारपात बराबर हुन्छन् ।)—हितोपदेश

जीवनदर्शन मनुष्य समाज र मानवीय जीवनपद्धतिका उज्याला आयामहरूलाई उद्घाटित गर्ने पवित्र उद्देश्यसहित सञ्चालित अनलाइन तथा मासिक पत्रिका हो । यसमा प्रकाशित हुने सबै प्रकारका सामग्री केवल कल्याण, कर्तव्य, अध्यात्म, आशा र उत्प्रेरणामा आधारित हुने गर्दछन् । यहाँ प्रकाशित हुने लेखरचनाले व्यक्तिभित्रको काम, क्रोध, लोभ, मोह, मद र मात्सर्यलाई घटाउँदै प्रेम, करुणा, विनय, स्वास्थ्य, सेवा र स्वाध्ययनलाई बढाउने प्रयास गर्ने छन् । हत्या, हिंसा, मारकाट, झैझगडा, छिनाझपटी, लुटपाटका दुःखदायी समाचारहरूबाट आशा, भरोशा, प्रेम, स्नेह, आनन्द, शान्तिजस्ता सकारात्मक समाचार र विचारतर्फ अभिप्रेरित हुन आम नेपालीलाई सहयोग पुगोस् भन्नु नै जीवनदर्शनको खास अभीष्ट हो ।