खेल अर्जेन्टिनाले जित्यो, तर मन केप भर्डले

विश्वकप फुटबलका विभिन्न खेलहरू सइम्पन्न भइरहँदा यतिबेला विभिन्न देश, तिनका खेलाडी र खेलहरूको विशेष चर्चा पनि भइरहेको छ । यस्तै चर्चा यतिबेला केब भर्ड भन्ने देशको टिम र खेलाडीहरूको भइरहेको छ । शनिबार बिहान अर्जेन्टिना र केप भर्डबीचको अत्यन्त रोमाञ्चक खेलपछि केप भर्डका खेलाडीहरूको चर्चा भएको हो । केप भर्डका खेलाडीको खेल अत्यन्त ऊर्जापूर्ण, खेलअवधिभरि उत्तिकै सक्रियता र अनुशासनका साथ खेलमा सहभागीभएको सन्दर्भले विश्वभरिका खेलप्रेमीहरूको मन जितेको छ ।

केप भर्डका प्रशिक्षक बुबिस्टाले आफ्ना खेलाडीहरूको आफ्नातर्फबाट सकेको खेलेको र देशको पहिचान स्थापनामा महत्त्वपूर्ण भूमिका निर्वाह गरेको प्रतिक्रिया दिएका छन् । उनका अनुसार आफ्ना खेलाडीहरूले अत्यन्त मर्यादित र अनुशासित खेल कौशल प्रदर्शन गरेको र देशको प्रतिष्ठा वृद्धिमा सक्दो योगदान गरेको बताए ।

अर्जेन्टिना केप भर्डबीचको खेल अतिरिक्त समयमा पुगेर केप भर्डका खेलाडीको आत्मघाती गोलका कारण अर्जेन्टिना ३ १ को अन्तरमा विजयी भए पनि संसारभरिका फुटबलप्रेमीहरूको मन भने केप भर्डले जितेको प्रतिक्रिया आइरहेको छ ।

जितपछि आफ्नो प्रतिक्रिया व्यक्त गर्दै अर्जेन्टिनाका खेलाडी तथा क्याप्टेन मेसीले केप भर्डले हामीलाई लगातार दबाबमा राखेको र आफ्नो टिमको तालमेल बिग्रनुमा भूमिका खेलेको प्रतिक्रिया दिएका छन् । खेलअवधिभरि अधिकांश समय बल उनीहरूले नियन्त्रमा राखेर हामीलाई कुदाइरहे । हामीले आफ्नो तालमेल पनि गुमायौँ भन्ने उनको भनाइ छ ।

अर्जेन्टिनाको जितसँगै उत्कृष्ट १६ टोलीको टुंगो लागेको छ । अब प्रि क्वाटर फाइनलका खेलहरू सुरु हुने छन् ।