सिर्जनशील समाज नेपालको आयोजनामा विद्यार्थीहरुका लागि सचेतना कार्यक्रम सम्पन्न भएको छ । यही असार ५ गते मङ्गलबारका दिन एसइई अर्थात् माध्यमिक शिक्षा परीक्षा दिएर बसेका करिब ३०० विद्यार्थीका लागि आयोजना गरिएको सो सचेतना कार्यक्रम दुर्व्यसन विरुद्धको थियो । ‘दुर्व्यसन र जीवन, भ्रम र आवश्यकता’ विषयमा आयोजना गरिएको सो कार्यक्रम एसइइ परीक्षा दिएर बसेका विद्यार्थीहरु कम्तिमा लागुऔषध आदिको दुर्व्यसनमा नपरून् र आफ्नो पढाइलेखाइको कार्यलाई निर्वाध सञ्चालन गर्न सकून् भन्ने उद्देश्यका साथ आयोजना गरिएको थियो ।
सिर्जनशील नेपालले भरतपुर, चौबीसकोठीस्थित होटेल ग्लोबलमा आयोजना गरेको कार्यक्रममा भरतपुर वडा नं १० का वडाध्यक्ष परमेश्वर खनाल प्रमखु अतिथि हुनुहुन्थ्यो भने संस्थाका अध्यक्ष विनोद ढकालले सभापतित्व गर्नुभएको थियो ।
ह्वाइट हाउस तयारी कक्षा समूह र सिर्जनशील समूहको विशेष समन्वयमा आयोजना गरिएको सो कार्यक्रममा आचार्य लक्ष्मण भण्डारी, रिना कोइराला र डा. खगेन्द्र काफ्लेले सचेतनात्मक प्रशिक्षणको सहजीकरण गर्नुभएको थियो भने कार्यक्रमको सञ्चालन संस्थाका सचिव निर्मला पण्डितज्यूले गर्नुभएको थियो ।
जीवनदर्शन मनुष्य समाज र मानवीय जीवनपद्धतिका उज्याला आयामहरूलाई उद्घाटित गर्ने पवित्र उद्देश्यसहित सञ्चालित अनलाइन तथा मासिक पत्रिका हो । यसमा प्रकाशित हुने सबै प्रकारका सामग्री केवल कल्याण, कर्तव्य, अध्यात्म, आशा र उत्प्रेरणामा आधारित हुने गर्दछन् । यहाँ प्रकाशित हुने लेखरचनाले व्यक्तिभित्रको काम, क्रोध, लोभ, मोह, मद र मात्सर्यलाई घटाउँदै प्रेम, करुणा, विनय, स्वास्थ्य, सेवा र स्वाध्ययनलाई बढाउने प्रयास गर्ने छन् । हत्या, हिंसा, मारकाट, झैझगडा, छिनाझपटी, लुटपाटका दुःखदायी समाचारहरूबाट आशा, भरोशा, प्रेम, स्नेह, आनन्द, शान्तिजस्ता सकारात्मक समाचार र विचारतर्फ अभिप्रेरित हुन आम नेपालीलाई सहयोग पुगोस् भन्नु नै जीवनदर्शनको खास अभीष्ट हो ।
